კვირას 7 აგვისტოს ფოთის კოლხეთი გამართავს საქართველოს XXIII ეროვნული ჩემპიონატის პირველი ტურის მატჩს რუსთავში ,,ფოლადის'' სტადიონზე სადაც მისი მეტოქე რუსთავის ,,მეტალურგი'' იქნება. ,,მეტალურგი'' მოგეხსენებათ საქართველოში ერთ–ერთი საუკეთესო კლუბია და ჩემპიონობისთვისაც იბრძვის, ასევე ნუ დაგვავიწყდება ისიც, რომ მეტალურგი არის უეფას ევროპის ლიგის მესამე საკვალიფიკაციო ეტაპზე, სადაც გუნდები შემთხვევით ნამდვილად ვერ ხვდებიან. ასე რომ რუსთავში ფოთელ ფეხბურთელებს უმძიმესი 90 წუთი ელის, მაგრამ ბურთი კვლავინდებურად მრგვალია და თამაში ყველასთან შეიძლება. მითუმეტეს, რომ ფოთის კოლხეთს ბრძოლისუუნარო გუნდი ნამდვილად არ ჰყავს და რა მოხდება რუსთავში არავინ იცის. ასევე შეგახსენებთ, რომ ეს გუნდები გასულ სეზონში ერთმანეთს 4–ჯერ დაუპირისპირდა, აქედან ორჯერ ფოთელებმა იზეიმეს გამარჯვება(5:1;0:1), ერთში დამარცხდნენ (2:0) და ერთიც გატანილი გოლების გარეშე დასრულდა. ფოთელ ფეხბურთელებს წარმატებას ვუსურვებ და იმედია პირველსავე ტურიდან დაიწყებენ გულშემატკივრის გახარებას და რუსთავიდან სასურველი შედეგით დაბრუნდებიან...
ავტორი: ცოტნე ხარებავა
|
